澳門聖德蘭學校 · 60 周年校慶「聖女小德蘭」Q 版磁吸書籤（連紀念底卡）

客戶需求

學校 60 周年校慶要一份有紀念價值又實用嘅禮品：可以喺校慶典禮同開放日送俾師生、校友同嘉賓，要體現學校主保聖人同校訓精神，而唔係普通紀念品。

我哋嘅方案

訂製 Q 版造型磁吸書籤（夾書頁兩面吸實，唔會整花紙張），配設計底卡一齊派發 —— 底卡印校慶標誌同主題語，書籤成為可以日日用嘅小物。

產品設計與細節

• Q 版主保聖人：身穿加爾默羅修女袍嘅聖女小德蘭，雙手捧住寫有耶穌聖心嘅紅心，神情溫和，卡通化後學生都覺得親切。
• 靈修金句：書籤印上聖女小德蘭名句「我的聖召就是愛」，作為學校勉勵師生嘅核心訊息。
• 60 周年標誌與主題：底卡印 60 周年校慶玫瑰標誌及主題語「沐主慈恩六十載，勤樸仁愛創未來；感恩、傳承、奮進、更新」（「勤樸仁愛」為校訓）。
• 學校資訊：底卡下方印學校地址及網址（www.santateresa.k12.edu.mo），方便校友同嘉賓聯絡。
• 實用性：磁吸設計夾得實、唔易甩；細細件易派、成本可控，適合全校師生一起送。